Fellesmøte

Føremålet med møta er å skape eit nettverk der arrangørar kan møtast og utveksle erfaringar, samtidig som dette er viktige forum for informasjon frå sekretariatet.

Kick off-møta er lagde til ei tid på året da planlegginga av året er i startfasen. Vi gjester ein forskingsfestival i utlandet eller noko anna som kan inspirere arrangørane, til dømes ein by med universiteter, museer osv. som passar til årets tema. Vidare står sekretariatet for ein del der vi presenterer informasjon om den kommande festivalen og idear til korleis temaet kan brukast i praksis. Deltakarane blir også involverte i prosessar sekretariatet jobbar med for Forskingsdagane på nasjonalt plan.

På evalueringsmøtet i november blir medieanalysen og andre evalueringar presenterte. I tillegg har vi gjennomgang av nye prosjekt frå festivalen som ligg bak oss, gode eksempel på arrangement frå arrangørar over heile landet og vi drøftar idear for neste år.

Frå kick off på Svalbard i 2007.